2014-07-05 (Chinese Only) 福岡上車盤 投資易入門

Natalie LO JP HOUSING 日本不動產有限公司 高級顧問 www.jp-housing.com

以$30萬港幣於香港買找不到心水樓，與其存於銀行作定期，低息未能追上通脹，投資股票又怕損手，可能購買磚頭較實際。大概上年年中開始興買日本樓，若以$30萬港幣於東京山手線單位，赫然發現原來山手線盤經已水漲船高，至少50萬港幣始能入場。

唔通我由得呢30萬港幣擺喺度貶值? 咁又唔洗，30萬港幣都買到唔少荀盤。近日多左投資者買福岡樓，皆因門檻低，廿幾萬港幣都入到場。以一個福岡市中心盤為例。350萬円(約27萬港幣)就可以買到一個月收4萬円租、新耐震、距離JR博多站6分鐘步程既市中心盤。扣除雜費同租務管理(約1萬円)，每年實際回報達10厘。市中心出租率較高，租務收入相對穩定。呢種低價高回報既市中心盤喺其他日本大城市如東京就較難搵到。

日本總務省統計局2010年<<國勢調查報告>>顯示現時福岡縣人口過500萬，而福岡市單喺2005至2010年既5年間就淨增加左超過6萬人。加上交通基建完備， JR博多站的新幹線自2011年起全面開通，北往東京新大阪等日本主要城市，南接九州各大重鎮，去機場只需5分鐘車程。從九州到韓國釜山亦只需3小時船程。因交通方便，日本國內不少大型機構如東京三菱UFJ銀行等都紛紛喺福岡設立分行。九州近年積極發展旅遊業，多個大型購物中心都喺各大站如博多、天神等附近相繼落成。雖然福岡喺發展上相比東京仍有距離，,但福岡市無論喺交通基建上定各行各業上都正在急速發展，加上人口持續增長，係個投資日本樓不容忽視既地區。