2014-06-21 (Chinese Only) 捷足先掃日本樓 早買早享受

Natalie LO JP HOUSING 日本不動產有限公司 高級顧問 www.jp-housing.com

講開買日本樓，好多人都話一定要買東京(都)，再唔係就大阪(市)，講到日本好似除左呢兩個旅遊熱鎮之外就冇城市冇人住咁。

相信大家都知買樓唔同去旅行。一個物業值唔值得投資唔係睇佢有幾多人去過旅行，係睇佢既升值潛力。而一個地區既人口密度、交通配套、未來發展等因素都好影響物業既升值潛力。

日本早喺七十年代已經高度城市化，人口集中。日本總務省統計局喺2005年既<<國勢調查報告>>指出，日本城市化人口比例已達86.3%，當中三大都市圈(東京、名古屋、大阪)就已經佔左日本一半以上 (50.2%) 既人口。

而且三大都市圈每年遷入人口都持續增長。日本總務省統計局喺2007年既<<住民基本台帳人口移動報告>>提到，從1954年起既50幾年間，三大都市圈總遷入人口都持續増長，單係2007年就超過15萬人遷入三大都市圈。

三大都市圈人口密集，商業活動頻繁，加上每年遷入人口持續增長，確係投資好地方。因為遷入人口通常都係為左工作而喺當地住，所以租樓居多。而且工作關係，多數租開都會租埋落去，所以租金收入會相對穩定。

咁三大都市圈既中心市即係邊度呢?
1) 東京圈: 東京都特別區部、橫浜市、川崎市、千葉市、琦玉市。
2) 名古屋圈: 名古屋市
3) 大阪圈: 京都市、大阪市、神戶市、堺市

當然比起東京都同大阪市，其他中心市既空置率就會高啲。但當個個都淨係識喺東京都同大阪市買樓既時候，你就已經掃曬其他中心市既靚盤，咁就可以比一眾投資者更捷足先登當地既筍盤！