2014-06-21 捷足先扫日本楼 早买早享受

Natalie LO JP HOUSING 日本不动产有限公司 高级顾问 www.jp-housing.com

讲开买日本楼，好多人都话一定要买东京(都)，再唔係就大坂(市)，讲到日本好似除左呢两个旅游热镇之外就冇城市冇人住咁。

相信大家都知买楼唔同去旅行。一个物业值唔值得投资唔係睇佢有几多人去过旅行，係睇佢既升值潜力。而一个地区既人口密度、交通配套、未来发展等因素都好影响物业既升值潜力。

日本早喺七十年代已经高度城市化，人口集中。日本总务省统计局喺2005年既<<国势调查报告>>指出，日本城市化人口比例已达86.3%，当中三大都市圈(东京、名古屋、大坂)就已经佔左日本一半以上 (50.2%) 既人口。

而且三大都市圈每年迁入人口都持续增长。日本总务省统计局喺2007年既<<住民基本台帐人口移动报告>>提到，从1954年起既50几年间，三大都市圈总迁入人口都持续増长，单係2007年就超过15万人迁入三大都市圈。

三大都市圈人口密集，商业活动频繁，加上每年迁入人口持续增长，确係投资好地方。因为迁入人口通常都係为左工作而喺当地住，所以租楼居多。而且工作关係，多数租开都会租埋落去，所以租金收入会相对稳定。

咁三大都市圈既中心市即係边度呢?
1) 东京圈: 东京都特别区部、横浜市、川崎市、千叶市、琦玉市。
2) 名古屋圈: 名古屋市
3) 大坂圈: 京都市、大坂市、神户市、堺市

当然比起东京都同大坂市，其他中心市既空置率就会高啲。但当个个都淨係识喺东京都同大坂市买楼既时候，你就已经扫晒其他中心市既靓盘，咁就可以比一众投资者更捷足先登当地既笋盘！